1.1K
E ekipo di baseball den e edad di 9/10 aña di e organisacion di Centro di Bario Noord a haya un partner nobo den Pizza Hut. Propetario di e compania, sr. Glenn Croes di Pizza Hut ta masha contento di por contribui na e organisacion di CBN den edad 9/10. Pizza Hut ta kere den nos muchanan paso ta aki Aruba su futuro ta. Tambe Pizza Hut ta agradecido di por contribui na e bon causa aki y asina mantene muchanan den deporte y riba e caminda corecto. Deporte ta sano, e ta crea amistad y e ta haci cada un di nos un mihor ciudadano pa Aruba.
E staf di coach nan como tambe e mayornan ta hopi contento pa cu e uniform pa nan yiunan. CBN ta yama un danki di curason na sr Glenn Croes y Pizza Hut cu a kere den nan organisacion.
