Pelotero Dayson Croes, despues di un carera basebolistico extra ordinario pa su scol Quincy University y cu a finalisa su Bachelor degree den Marketing na aña 2022 , siguientemente ta logra termina su Master’s degree.
Asina mes cu Dayson a firma un contract profesional na aña 2023 cu Winnipeg Goldeyes hungando den e American Association of Professional Baseball, Dayson a sigui cu su estudio cu a culmina diasabra ultimo logrando su Master Degree den Business Administration. Dayson asina a demostra cu por tin exito den deporte y estudio, si bo tin e Deseo, Disiplina, Dedicashon y Determination. Dayson sigur ta un rolemodel pa hopi hoben atleta.
Pabien pa Dayson y sigur pa su mayornan y famia cu lo ta sumamente orguyoso di tur su logro nan y cu semper a apoya y sostene Dayson pa e logra tur su metanan
