Despues cu nan a termina pa prome biaha den historia di nan skol como “Back to Back” Panhandle Conference Champions, Kendrey Maduro y Bj Rincones hunto cu Northwest Florida Raiders ta kla pa cuminsa playoff nan di Junior College Baseball diabierna awor dia 3 di mei cu un best out of three contra Polk State College.
Kendrey Maduro kende ta den su “Senior Year” na dicho skol ta termina su temporada regular den gran forma cu un averahe di 303 cu 10 Homerun / 39 RBI / 36 careda anota / 4 base roba den 44 wega.
Bryon-Jaylan Rincones kende e aña aki tabata tin e rol di relevo largo y corto tambe por mira back riba tremendo temporado cu un total di 27.1 inning pitcha cu un ERA di 3.62 / 2 wega gana/ 0 wega perdi/ 1 wega salba cu un whip di 1.39 y un total di 35 ponche den su prome aña (freshman year)
Coach Elwin Rincones tabata presente na e practica nan di e ekipo e siman aki y tur nan preparashon na caminda pa playoffs nan 2024.
Coach “Bigshow” Rincones tabata tin e oportinidad pa a combersa cu Manager Doug Martin y Coaches nan Brad Powell (pitching coach) y Coach Micheal Woods
E best out of three aki lo wordo hunga na cas di Raiders kende nan a gana e derecho aki como campeon nan 2024 di nan Conferencia
Ganando e serie aki lo duna Northwest Florida Raiders e derecho pa ta den e “Final Four Games” di estado di Florida cu lo tuma lugar e siguiente weekend (10-12 Mei) na e ciudad di Tampa.
E ganado di “Final Four Games” na Tampa lo ta campeon di e region di Florida y lo gana e pase pa e reconocido “Grand Junction World Series” cu ta e gran mundial di Junior College Baseball cu ta tuma lugar di 25 di Mei pa 1 di Juni 2024 na estado di Colorado
Nos kier a desea Kendrey y Bj y Northwest Florida Raiders tur clase di exito e siman nan nos dilanti pa loke ta bira NJCAA Junior College playoffs 2024
