Hopi respet pa nos astro pelotero Chadwick Tromp na Atlanta

by Seever Krozendijk
710 views

Ora coach di catcher di Atlanta Braves, Eddie Perez bisa e palabranan ‘I’m in love with this kid’ esey kiermen ta algo hopi bon ta pasando cu e catcher di Aruba, Chadwick Tromp. Desde cu e catcher number 1, Sean Murphy a lesiona e catcher Arubano, Chadwick Tromp a bira un parti essencial pa e ekipo di Braves como e back-up catcher pa Travis D’ Arnaud cu porcierto ta ‘on fire’ den e ekipo cu 5 homerun bati den su ultimo weganan hunga. Cu Chadwick tambe haciendo un super papel cada bes cu e haya un oportunidad, Braves ta dominando unda cu na  bay cu awor un record di 15 – 6 y ta posiciona como number 1 den NL EAST.

Den un bunita articulo algun dia atras a wordo scirbi lo siguiente di nos astro Tromp

“Con por splica un pelotero cu apenas 46 wega hunga den 5 temporada di major league baseball, inclui e 13 weganan cu Atlanta Braves den 3 temporada por ta asina popular bou di su compañeronan y coachnan di Braves y ta haya asina hopi elogio di e otro catcher y pitchernan, jong y bieu y algun cu e conoce djis algun luna”?

E no ta un secreto cu Chadwick ta un lider, esey ta den su karakter, e ta sali y defende su idealogia y forma di pensa y mira e cosnan, su arte como persona ta asina. E ta un persona hopi sigur y firme di su mes y e sa kiko e kier. Nos tur sa cu e ta traha duro pa logra su obhetivonan. Na comienso di e aña aki cu Braves e la baya un Minor contract pero den e springtraining e la demostra respet y esey ta loke hopi miembronan di prensa di baseball di Atlanta a scirbi, cu Chadwick a gana su respet den Atlanta den e pre-temporada.

Sin duda nos cu semper a sigui Chadwick di serca den un bon contacto sa con duro e ta traha y con hopi e ta anhela pa bira cada dia un mihor pelotero y yuda su ekipo y su compañeronan. Ken sa kizas esaki ta e momento di Chad. Cada bes nos por mira mas contento cu nunca unda e ta disfruta di e baseball como un pelotero profesional.

Mas cu claro mas orguyoso e no por haci e isla aki. Un simpel hoben di Aruba cu un curason di ORO, luchando tur dia pa yega mas leu cu e tabata ayera. Su humildad ta loke ta resalta aya na Atlanta. Keda mane bo ta Chad, sigui laga nos bandera y nomber briya.

Photo and his Credit:

Atlanta Braves major league coach Eddie Pérez, left, and Braves catcher Chadwick Tromp, second from left, laugh with Braves catcher Travis d’Arnaud (16), center, during a spring training baseball practice on Thursday, Feb. 16, 2023, in North Port, Fla. (AP Photo/Brynn Anderson)

Photo: Chadwick and Travis(Bally Sports)

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs