420
![](https://297sportsaruba.com/wp-content/uploads/2024/04/Doit_Center_CMYK-Big--300x46.jpg)
E dos mihor ekiponan di baseball infantil sin duda Sabana Grandi Jets y CBN Eagles. Pa varios biaha caba e dos ekiponan aki ta topa otro den e gran final di baseball infantil. Awe un bez mas na tereno di Tanki Leendert, Jets y Eagles a brinda e publico grandi presente un señor partido di baseball infantil.
![](https://297sportsaruba.com/wp-content/uploads/2024/04/Doit_Center_CMYK-Big--300x46.jpg)
Un wega cu te na di ultimo inning ainda bo no sa ken lo bay cu e titulo. Un presion enorme pa e muchanan ya cu nan kier a demostra tur loke nan ta siña na entrenamento. Mas cu claro tin biaha esaki tabata demasiado ya cu e gritonan for di tribuna a spanta hasta nos mes riba tereno para, ta ki ta e chikitinnan aki. Asina mes nan a handle e situacion campeon.
![](https://297sportsaruba.com/wp-content/uploads/2024/04/347849145_794749841891498_1889775915954233321_n-300x65.jpg)
Na final a duna otro pabien pa e bon wega mientras a para hunto cu nos di 297sports saca un potret como e unico media deportivo presente.