Ex-big leaguer Eugene Kingsale: Responsabilidad pa cu e trabou cu Texas Rangers cada bes ta bira mas grandi

by Jessica Krozendijk
670 views

Nos a combersa cu e ex-big leaguer di MLB, Eugene Kingsale kende ta na Aruba pa un par di dia esaki riba su trabou cu e organisacion profesional di Major League Baseball, Texas Rangers. Nos por a mira algun dia atras, Eugene Kingsale hunto cu Chu Halabi a haya nan renchi como e campeon di Serie Mundial di baseball, ya cu Texas Rangers a gana esaki aña pasa.

         

Eugene ta conta nos cu e ta na St Domingo, cu e Academia di Texas Rangers unda e ultimo 3 añanan e tabata 1 di e ‘hitting coach’ nan. Pero awor Eugene su responsabilidad a bira mas grandi aun cu e organisacion ya cu awor Eugene a keda nombra como e ‘Development Coach’, pues coach encarga cu e desaroyo di e peloteronan y esey ta ensera tur e pelotero cu ta forma parti di e Academia di Rangers na Republica Dominicana. Principalmente e peloteronan cu lo bay firma otro aña of aki dos pa tres aña ta cay bou di su persona. Eugene tin cu percura pa e peloteronan aki sigui desaroya den bon forma den e parti Development esaki riba tereno y den tur aspecto tecnico, tactico y mental, etc. Cu otro palabra Eugene ta traha rapport riba e desaroyo di cada hungador y mester keda monitor esaki constantemente.

     

Aki Eugene ta sigui cada paso di e peloteronan unda cu nan bay hunga sea ta na e academianan rond Santo Domingo y tambe den exterior na ppr ehempel Venezuela, Curacao, Colombia, y Mexico. Unda cu Texas Rangers tin hungador cu tin un acuerdo cu nan, Kingsale tin cu bai wak nan desaroyo y sigi cu nan entrenamentonan y e programa cu nan tin hunto cu nan rutinanan. Por ultimo Eugene ta conta nos cu e trabou tin basta presion cune y mester percura pa e hungadornan aki yega Merca lihe y sigur hopi bon prepara.

       

Nos a combersa cu Eugene un poco riba e baseball na Aruba. Aki Eugene a duna su punto di bista.
Segun Kingsale ta conta cu baseball na Aruba mester un comision tecnico nacional y mester traha un bon structura pa tin un base riba full e formacion di baseball, softball y tur esnan envolvi manera umpire, etc. Mester traha un plan pa structura ‘farm team’ y corta e liga grandi na 4 – 6 team y mantene e mucha nan cu pitch count, mester traha pitcher, esaki tur team. Lo ta ideal pa e entrenadornan sigi curso pa nan tin nan basis TC4 pa por tin un know how di locual nan ta duna pa por tin hustificacion pa locual cu nan ta hasi of no pero importante ta cu mester traha hunto(sera cabes) pa un mihor desaroyo di baseball. Pa locual ta un academia na Aruba mester tin hende nnn cu sa y tambe un structura pa sa kiko e meta ta y kiko nan lo kier accomplished.

Te asina leu nos combersacion cu Eugene Kingsale.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs