Britannia Damas cu victoria amplio riba e ekipo di River Plate

BRITANNIA vs RIVER PLATE

Den e prome 15 minuutnan di wega por a mira un dominio leve di parti di Britannia aunke no por a yega na anota e gol. Di otro banda Riverplate tabata yega bon te den e medio campo pero tabata falta e ultimo pase pa realisa e atake desea. Mester bisa cu Riverplate a defende cu alma e cuerpo cu sin duda portero Munjeuline Tromp bon para den su gol. Sinembargo na di 16 minuut un tiro di Ashley Douglas for di leu ta slip for di portero Tromp su man y drenta gol pa e 1 – 0. Dos minuut despues e alero Stacey Lampe den un bon accion individual ta anota e 2 – 0. Britannia ta sigui presiona pero sin mucho exito. Net prome cu halftime, e medio campista Ashley Douglas ta anota su di dos gol cu un bon tiro den skina robez pa e 3 – 0.

#297sports

: AVB/297sports