Dia 15 di februari ultimo R.C.A. a cumpli 90 aña di existencia, e prome club di futbol di Aruba cu oficialmente a yega e “edad” aki. Aki ta sigui e exitonan grandi cu R.C.A. a logra den historia di nos futbol:
34x Campeon di nos isla di campeonatonan organisa pa A.V.B., 9x* invicto
-20x* Subcampeon di nos isla
– 2x 5 Titulo di campeon sigui; 1938-1942 y 1944-1948
– 1x 2 Titulo di campeon den un aña (1941)
– 1x Campeon di Antiyas Hulandes
– 2x Subcampeon di Antiyas Hulandes
– 2x Campeon di campeonatonan organisa pa LIPROF (tur dos invicto)
– 2x Campeon di Copa La Reina Wilhelmina (unico dos aña cu nos tin resultado)
– 4x Campeon di Copa La Reina Juliana
– 5x Campeon di Copa Libertador Betico Croes
* por lo menos
Aki ta sigui un record cu R.C.A. tin den nos futbol y cu lo ta dificil pa iguala:
-For di februari 1949 cu el a perde contra Aruba Jrs., R.C.A. a keda 54 wega oficial di campeonato sin perde. Tawata tin 5 victoria mas, cu por a hisa e cantidad na 59 wega pero esakinan no a conta oficialmente pasobra e teamnan a wordo retira di campeonato. Aruba Jrs. a para e racha aki dia 16 di januari 1954. Durante e record aki, cu a dura casi 5 aña, R.C.A. a gana 50 wega y a empata 4.
-For di 1947 te cu e campeonato clasificatorio 2023/24, cu nos tin 99.9% di tur e resultadonan di campeonato plus playoff, R.C.A. a hunga mas cu 1300 wega y ta solamente den 7 wega a permiti 5 gol (Dakota 2x, La Fama, Sport Boys, Bubali, Estrella, Riverplate) y den 2 wega 6 gol (Tropical y Dakota).
E potret ta RCA na 1959
Patras d.r.p.d.: Oscar Steba, Humphrey Breinburg, Cai Helder, Rey Franken, Evenio Gonzalez y Juchi Jansen. Dilanti: Chito Croes, Gabriel Kelly, Feki Caster, Edwin Dirksz y Juancho Sanchez.
PABIEN R.C.A. y AD MULTOS ANNOS!
Francisco “Fico” Vrolijk
