Un encuentro historico di tennis na Merca entre dos tenista di Aruba

by Seever Krozendijk
671 views

Awe diamars tabata un dia hopi bunita pa e mundo di Tennis di Aruba, na momento cu dos hoben tenista femenino di Aruba esta Jelsyvette Croes representando su scol, Palm Beach Atlantic University, a enfrenta su compatriota Danna Nuñez di Ave Maria University.

E wega entre e dos tenistanan Arubiano tabata jena di emocion mirando cu e wega lo mester a determina cual universidad lo a bay cu e punto ganador. Mester bisa cu den un wega bon bataya Jelsyvette a bin gana e wega 6-4 6-4 y asina clinch y duna su scol e victoria.

Un palabra di pabien na Jelsyvette y un pabien tambe na Danna cu a sa di bataya te na final. Aki ta keda demostra un biaha mas, cu Deporte ta un factor importante pa nos hobennan, ya cu e ta habri portanan pa un atleta por continua cu su estudio den exterior.

Ta bon pa bisa aserca cu tambe tin otro dos tenista di Aruba cu ta bishitando dicho scol nan aki kendenan ta Noah Muyale di Palm Beach Atlantic y Alexander Nuñes di Ave Maria University cu tambe a representa nan scol den e competencia aki.

Aki nos por mira 4 hoben di Aruba cu ta eherciendo nan deporte preferi den combinacion cu nan estudio, cual sin duda ta e combinacion perfecto. 

Hopi exito na Jelsyvette, Danna, Noah y Alexander.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs