173
Recientemente e ekipo di Inter Aruba forma pa hungadornan di diferente club na Aruba y reforsa cu algun hungador di exterior a participa na e torneo MIC considera un di e mihornan na mundo unda den pasado grandinan den e futbol mundial a participa na dje.
Coach Jimena Borja ta duna nos un resumen con e torneo a bay pa su ekipo U19
“No obstante cu nos tabata ta na haltura di e nivel di e torneo, unda tabata hopi difícil pa anota cu otro palabra cu ta enfrenta ekiponan di super bon nivel cu sa con pa press, con pa cera linea di pase y con pa tin bon posesión di bala. E velocidad di wega tabata increíble, algo cu sigur na Aruba nos no ta wak. Por bisa cu esaki tabata 4 wega cu nos por a wak un progreso di e team cada wega. No obstante di e resultado obteni, e guysnan a enjoy esaki masha hopi mes. Nos a haci un paar di training na Valencia cu e academia SPF y haci un friendly match unda nos a empata cu score di 5-5 vs IDA Valencia. Jammer cu nos center back a lesiona su schouder y nos a perde pa full e tournament y mester a modifica e team”, coach Jimena a conta nos.
Inter Aruba a perde 3 wega, empata 1. Inter vs Selección Bolivia u19 a sali 0-2, Inter vs Junior CF a sali 0-3, Inter vs Ae Sant Gregori a sali 0-4 y Inter vs UD Cassá a keda empata 0-0
Inter Aruba a perde 3 wega, empata 1. Inter vs Selección Bolivia u19 a sali 0-2, Inter vs Junior CF a sali 0-3, Inter vs Ae Sant Gregori a sali 0-4 y Inter vs UD Cassá a keda empata 0-0
Coach Borja ta orguyoso di ta e prome delegacion di Aruba cu ta participa na e tournament aki cu ta e torneo di futbol mas grandi na mundo unda e teamnan hubenil di taya mundial ta hunga contra di otro. Den hotel ora di come, bo por wak hungadornan di Barcelona, Liverpool, Porto, Roma, Villarreal, Atlético, Inter Miami, LA Galaxy y para di conta. Esaki ta un experiencia increíble cu sigur lo keda cu e nos hungadornan pa semper. Esaki ta e prome delagacion, mientras tin planes di haci esaki cu categoría 2008 otro aña na 2027.