Atleta Arubiano ta briya den su prome campeonato Europeo den e deporte di Powerlifting (IPF)

by Jessica Krozendijk
948 views

Diahuebs 14 di maart, Kaylee-Sue Danies, un atleta di powerlifting Arubiano cu ta biba na Hulanda, a haci su debute na su prome competencia grandi internacional, cual ta Open European Championships di 2024 di IPF na Zagreb, Croatia. Kaylee-Sue Danies a competi cu e team Hulandes y pisando 62,58 kg ela competi den categoria di -63kg. Akinan e la bataya contra tur atletanan den su categoria di e continente, logrando e siguiente resultadonan;
Squat: 182,5 kg
Bench: 102,5 kg
Deadlift: 200 kg
Total: 485kg
Cu un total di 485 kg e la logra un posicion final di 4 di Europa. No tabata un bataya facil pasobra tabata tin chens pa medaya di brons pa squat, unda Inglatera tambe a squat 182,5 kg pero a logra gana pa un diferencia di peso corporal di 600 gram. Un situacion similar a tuma luga unda tabata tin un bataya te final contra Alemania pa medaya brons overall cual Kaylee-Sue a keda poco cortico faltando apenas cu 7,5 kg den su total. Cu e total di 485 kg y su peso, ela logra un score 106,57 “GoodLift points” cual ta pone cu ta di tres miho atleta di powerlifting “all around” cu Hulanda a yega di tin den un competencia official. Kaylee-Sue ta bolbe bek pa su gym y ta sigi entrena intensivamente, como pronto e lo tin un otro evento grandi cual ta e Mundial di Powerlifting (IPF) cu ta tuma luga den e luna di juni na Lithuania.
Ta di remarca cu apesar di su tremendo prestacion durante e competencia aki, Kaylee-Sue tin apenas 2 aña di training, despues di a conoce e deporte na Aruba durante un vakantie. Mirando e gran progreso cu a logra gana den tan poco tempo y e tremendo team cu e ta train cune na Hulanda, por spera gran cos di e atleta di forsa aki.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs