Alexander Hodge y Lana Gobert ganadornan absoluto di 38 Aruba International Half Marathon

by Jessica Krozendijk
332 views

Diadomingo, pa exactamente pa 5:30 am, dilanti di Joe Laveist Sport Park na San Nicolas, Minister di Enseñansa y Deporte Sr. Endy Croes a duna señal di salida na una un total di 895 a participa.
Alexander Hodge tabata prome coredo pa crusa meta final cu un tempo di 1:19:01, e di dos coredo pa crusa meta final tabata Rick James cu a core un tempo di 1:19:30 y e di tres coredo masculino pa crusa linea final tabata Aric Champagne.
Pa loke ta trata e damanan, prome dama pa crusa meta final tabata Lana Gobert cu a logra esaki den 1:30:19, e di dos dama cu a crusa meta final tabata Tatiana Villa cu a logra esaki den un tempo di 1:34:59, sigui pa Rebecca Jansen cu a logra crusa meta final cu tempo di 1:35:41.
Locual cu tambe a resalta cu IBiSA pa prome biaha a inclui un Kids Run den e evento aki cu a hala hopi atencion di esnan presente.
E pensamento tras di esaki ta pa for di chikito introduci e muchanan den competencia na un nivel recreativo, pero cu e intencion pa nan sigui participa y converti nan mes den coredornan di distancia largo pa futuro.
Tur esnan interesa por mira resultado den cada categoria via link:
https://results.sporthive.com/events/7165869517075081216.

Un ambiente hopi alegre y emocionante na unda familiarnan, conocirnan y fanaticonan tabata rondona e area di yegada y tambe podium na unda a premia e Ganado nan.
E premionan principal a wordo entrega pa miembronan di Management Team di IBiSA cu ta Sr. Wladimir Wolff y Sr. Jessy Beukenboom, mientras cu diferente otro premio a keda entrega pa Sr. William Erasmus hefe di communicacion, Francis Tromp kende tabata coordinador di e careda, Kamilah Dammers, hefe di Deporte Escolar y Mildred Wever coordinador di Deporte Escolar.

IBiSA kier a felicita tur e ganadornan y e participantenan, tambe kier a gradici tur e instancianan cu a colabora cu e di 38 Aruba International Half Marathon, manera Minister di Enseñansa y Deporte, Cuerpo Policial Aruba, Brandweer, DOW, FFD, Rode Kruis, EMS-Aruba, Motor Unit Aruba, Patrishi Sports, Alhambra Casino, e grupo grandi di voluntario, y por ultimo henter staff y personal di IBiSA, di parti Management Team, danki na un y tur.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs