Atleta Derrick Webb den Campeonato Mundial Juvenil di Pesas na Lima, Peru

by Jessica Krozendijk
400 views

For di International Weightlifting Federacion y Solidaridad Olimpico a manda un invitacion pa Comite Olimpico Arubano pa apoya Aruba Amateur Weightlifting Association pa participa den un Campo di entrenamento y Campeonato Mundial Juvenil di Hisamento di Peso cu lo tuma lugar na e ciudad di Lima, Peru. Fecha lo ta di 15 pa 27 mei, pa Aruba a bay e atleta Derrick Webb den categoria 61kg cu ta forma parti di seleccion di Comite Olimpico Arubano y como entrenador Laertes Araque.

   

Den e campeonato di IWF World Youth Weightlifting Championships lo tin participacion di 141 atleta femenino y 143 atleta masculino cu ta un total di 284 atleta di 51 pais.
Durante di e Campo di Entrenamento duna door di International Weightlifting
Federation y Olimpic Solidarty e atletanan y entrenadornan ta wordo guia door di dos entrenador profesional cu ta Sr. Jorge Luis Barcelan for di Cuba y Sr. Dr. Kyle Pierce for di Estados Unidos. Nan lo haya oportunidad pa participa na seminarionan y seccion practico durante di e Campo di Entrenamento.

     

Tambe lo haya seminario di Educacion Anti Dopage. Tur gastonan a wordo cubri door di e Programa di Desaroyo pa atletanan Juvenil cu ta cay bou di Solidaridad Olimpico. Aruba Amateur Weightlifting kier a manda palabra di gradicimento na International Weightlifting Federation y Solidaridad Olimpico y hunto cu apoyo di Comite Olimpico Arubano pa scohe pais Aruba pa participa den e Campo di Entrenamento y ta desea e atleta Derrick Webb y entrenador Laertes Araque tur clase di exito den e Campeonato Mundial Juvenil Sub-17 cu ta wordo teni na Lima, Peru.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs