Un evento cu cantidad di record personal y premio pa un y tur! Weightlifting Throwdown 2024 organisa door di PSA y BFN CF un exito rotundo

by Jessica Krozendijk
437 views

Diasabra ultimo, a tuma lugar den e Crossfit Box di BFN CrossFit Aruba, conhuntamente organisa cu ParadiseStrength Aruba, e di dos edicion di e popular “Weighlifting Throwdown” .

     

E competencia aki di lantamento di peso estilo Olimpico ta unico den su ehecusion, como cu ta utilisa un sistema di CrossFit pa competi, cu enbes di solamente tin 3 intento di cada disciplina, cu ta e Snatch y e Clean&Jerk, cada atleta a haya 10 minut, pa asina nan haci cuanto intento nan kier y di berdad busca e maximo peso cu nan por lanta den e disciplina.

     

E evento e conta cu 28 participante e aña aki, cu ta un cantidad superior cu aña pasa. E atletanan a bin ta representa varios gym, entro otro; BFN Crossfit, Paradise Strength Aruba, E2RepFitness, Power&Resilience, Crash of Thunder y Redstar Lions.

   

Asina ki por mira cu e cantidad di grupo/club cu ta practica e deporte ta crece cada aña na Aruba.Ta importante pa duna di conoce cu e evento aki a conta cu tremendo apoyo di nos empresenan local, unda cu pa prome biaha, ademas di tin premio grandi pa e overall winners, e sponsor prinicipal di evento, CAS DI MAX, a percura pa tur particpante y volunteers di e evento bay cas cu un regalo, unda cu cada uno a ricibi un cushinchi. CAS dI MAX tambe a percura pa e premio pa e ganadornan absoluto den cada categoria, unda cu cada premio a conta cu un balor di AWG 2750,-. Ademas di CAS DI MAX, a ricibi premio di; DH Nutrion, Giannis Group, ID Realty Group, BanPaBay Clothing y ISLANDSTRONG Podcast.

   

Despues di evento a premio no solamente e top 3 di cada categoria, cu a wordo escogi a base di e SINCLAIR score, cu ta usa un formule pa calcula un score a base di peso corporal y peso total cu a logra hisa den e dos disciplina, pero tambe a premio algun otro logro manera; best save, best single lift, best newcomer, best comeback y most improved.
Na final di dia, ta keda den e premionan:
Best Newcomer: Ross Ismail, CrashofThunder
Best Lift: Christy Rodriguez, BanpaBay/ParadiseStrengthAruba
Best Comeback: Rob Pieters, BFN CrossFit
Best Save: Marcela Benavides, ParadiseStrengthAruba
Most Improved: Ettel Boyce, E2REPFitness

     

Top 3 Female:
1. Zayna Maduro, SOFIT
2. Eliana Gonzalez, E2REPFitness
3. Aline Rios Dos Anjos, BFN Cross Fit
Top 3 Male
1. Lynell Koolman, RedstarLions
2. Jeremy Dijkhoff, E2REPFitness
3. Tarek Nava, Power & Resilience

Nos kier gradici tur esnan cu a yuda hasi e evento aki posibel, unda cu ademas di nos tremendo sponsornan, ta duna danki na tur boluntario cu a yuda nos durante evento, Roberto Chavarria cu tabata presente como terapisa pa yuda atletanan durante evento y claro BodyFitnessGym&Nutrtion cu a ofrece espacio pa hasi e evento aki posibel.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs