Bon prestacion di atleta di pesas Derrick Webb den Campeonato Mundial Hubenil

by Jessica Krozendijk
587 views

For di 21 pa 26 mei 2024 a tuma lugar na Lima, Peru e Campeonato Mundial Hubenil Sub-17
Pa Aruba a participa pa prome biaha e atleta Derrick Webb den un Campeonato Mundial Hubenil. Derrick Webb cu a competi den categoria di 61kg guia pa e coachnan Walter LLerena for di Ecuador y Laertes Araque di Aruba. Den e Campeonato Mundial Hubenil tabata tin un participacion di 287 atleta masculino y femenino for di 51 pais presente.

       

Derrick tabata tin total di 10 atleta di nivel den su categoria di 61kg. Atleta Derrick a bataya duro pa logra den su hisadanan den snatch 80kg, clean & jerk 108kg pa un total di 188kg. Cu e total aki Derrick ta termina na di 7 lugar lagando atletanan di Nicaragua y dos atleta di Peru su tras.
Aruba Amateur Weightlifting kier a manda palabra di pabien na atleta Derrick Webb cu su bon prestacion y coachnan Walter LLerena for di Ecuador y Laertes Araque di Aruba pa nan bon trabou. Tambe ta gradici Comite Olimpico Arubano pa e tramite pa cu e atleta por a participa y e team di Comision Technico y Cemedar pa nan apoyo.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs