Diasabra cu a pasa dia 11 november 2023 Aruba a participa den e “Curacao National Invitational Weightlifting Championships” cu a wordo teni den sala di Don Bosco na Corsow. Pais nan cu a participa na e evento aki tabata Aruba, Curacao, Hulanda y Surinam.
Pa Aruba a participa e atletanan masculino Derrick Webb den categoría di 67kg y Laertes Araque den 96kg, Den femenino Nataly Geerman den categoría 76kg y Dianie Croes den categoría +87kg como delegado y referee internacional Hugo Themen. Patrick Vrolijk cu a juda nan cu e setup di e competencia.
Prome atleta di Aruba cu a subi plataforma internacional tabata Dianie Croes cu a logra den su hisadanan den snatch 65kg, clean & jerk 75kg pa un total 140kg cu esaki Dianie ta gana tres medaya di Oro pa Aruba.
Después a sigi e atleta Nataly Geerman den categoría di 76kg a hisa den snatch 80kg, clean & jerk 110kg pa un total di 190kg. Cu e hisada aki aki Nataly ta gana den su categoría y ta logra gana tres medaya di Oro pa Aruba, medaya di Plata a bai pa Wendy Bos for di Corsow cu un total 180kg
Den categoría di masculino Derrick Webb den categoría di 67kg ta logra den su hisadanan den snatch 85kg, clean & jerk 105kg pa un total di 190kg. Cu e hisadanan aki Derrick ta gana tres medaya di Oro pa Aruba y tambe ta logra kibra tres record di Aruba den e categoría di 67kg den categoría di Youth-17 y tres medaya di Plata a bai pa Yhurisen Molenaar di Corsow.
Por ultimo nos ta hanja e atleta Laertes Araque den categoría di 89kg a bataya duro cu e atleta dia Corsow Amellson Duran ta logra den snatch 110kg ta gana medaya di Oro pa Aruba y medalla di Plata a bai pa Amellyson Duran. Den clean &jerk Laertes ta hisa 145kgy atleta Amellson ta hisa 146kg pa gana medalla di Oro den clean & jerk y den total di 256kg y medalla di Plata a bai pa Laertes den clean & jerk y den total di 255kg.
Patrick Vrolijk a entrega e medaya nan na tur atletanan ganador. Tambe e trofeonan na e país ganador na prome lugar Corsow, secundo lugar Aruba y tercer lugar Surnam
Aruba Amateur Weightlifting Association ta manda palabra di gradicimento na Stichting Sportsubsidie Aruba cu a haci e biahe posible di e atletanan y ta manda felicitación y pabien na e cuatro atletanan cu a gana nan medaya di Oro y Plata pa país Aruba cu ta Dianie Croes, Nataly Geerman, Derrick Webb y Laertes Araque na e Campeonato National Invitational Weightlifting Championships cu a tuma lugar na Willemstad, Curacao.
