Por manda nominado pa Copa Hubenil Gobernador Felipe B. Tromp 2024

by Jessica Krozendijk
303 views

Inscripcion ta habri pa manda nominado pa Copa Hubenil Gobernador Felipe B. Tromp pa aña 2024.

Organisacionnan hubenil of personanan individual por manda un nominado pa sea un grupo hubenil of hoben individual pa bini na remarka pa e premio.

E organisacion of hoben mester a destaca durante e ultimo periodo di 1 di april 2023 pa 15 di maart 2024 ariba un of mas di e siguiente terenonan, esta cultura, deporte of actividad social. 

Lo evalua tambe e conducta ehemplar y liderasgo, specialmente den caso di hobennan riba 13 aña.

Y e edad di e hoben(nan) mester ta entre 8 pa 21 aña. 

Por entrega e proposicionnan pa nominacion den forma di un portofolio  na oficina di Asociacion Trabou pa Hubentud na Caya Appeldam  durante oranan di trabou of via email info@athaaruba.com.

E peticion mester ta firma pa un adulto y acompaña di un relato extenso di motivacion pa nomina e hoben of instancia hubenil, recorte di corant, potret y cualkier otro material visual.

No ta descarta e posibilidad cu un hoben of instancia cu a gana  e premio den pasado of a ricibi un premio di estimulo por bini na remarka atrobe pa gana e premio special aki.

E premio lo keda entrega pa Gobernador di Aruba dia 27 di april, Dia di Rey.

Copa Hubenil Gobernador Felipe B. Tromp ta dedica na e prome Gobernador di Aruba, señor Felipe B. Tromp den feliz memoria. Ya prome cu el a bira gobernador, señor Tromp tabata dedica hopi di su tempo liber na trabounan cultural cu ta yuda den formacion di hobennan. Y tabata stimula otronan pa dedica atencion na formacion di nos hobennan, sea riba tereno cultural, social of deportivo.

Aruba ta un pais chikito cu tambe conoce su retonan pa loke ta trabou riba tereno di formacion di nos muchanan y hobennan.

Y sin duda ta na su lugar pa sigui stimula e desaroyo aki den un mundo yen di retonan positivo pero tambe cu aspectonan negativo.

Pues ultimo dia pa entrega un proposicion pa un nominado lo ta dialuna 15 di april proximo.



Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs