Tin varios rason pakiko un persona por sinti su mes cu e tin un coneccion fuerte cu su atleta faborito.
Na prome lugar, e deporte ta crea un sentido di comunidad y un laso entre fanaticonan. E persona of hoben ta sigui su idolo cq atleta unda e kier identifica su mes cune y esaki por crea un coneccion fuerte y emocional cu e atleta unda e persona kier hasta imita su idolo. E deporte por proporciona un manera pa e hendenan conecta y comprende e diferente aspectonan di nan mes. E atleta ta wordo mira como role model y principalmente e hobennan por identifica cu e etica di trabou, perseverancia y e historia personal. Ademas di esey, wak of praktika deporte ta un forma pa e hendenan canalisa nan emocionnan y energia, como tambe nan agresion of pasion.
Na Aruba tambe nos tin hopi mucha ta admira y idolisa nos propio atletanan. Un ehempel ta landado Leandro Santiesteban cu ta mira den landado elite, Mikel Schreuders como su idolo y lo kier bira mescos cune.
Den e weekend cu a pasa den un competencia internacional na Corsow, Leandro a landa cu e cap di Mikel riba su cabez(scirbi Schreuders riba dje) y na final a logra un tremendo prestacion ya cu e la gana 1st place overal den su categoria mas e High Points Trophy. Asina ta importante cu nos propio prospectonan den deporte manera Leandro por identifica su mes cu Mikel, un persona cu Leandro lo kier ta mescos cune dentro di algun aña. No mester lubida cu Leandro ta forma parti di e team cu Mikel tambe ta pertenece na dje. Pues for di chikito Leandro ta lanta y mira Mikel landa. Henter e trayectoria y pasonan di Mikel, Leandro a sigui di serca, sigur si nos mira unda Mikel a yega cu e deporte acuatico. Awo mas cu nunca e hoben Santiesteban ta sinti’e conecta cu Mikel, paso e tambe lo kier yega asina leu den su deporte.
Awo su prome stapnan e la cuminsa dal caba cu su triunfo na Corsow.
Hopi exito Leandro.
