Un pregunta cu hopi ta haci ultimamente pero te cu dia di awe ningun hende no por a duna un contesta concreto kiko realmente ta pasando. Baseball na Aruba no ta pasando den su mihor momento pa loke ta federacion. Proline baseball a bira un projecto di kita sombre y pesey mester elogia Kevon James y su organisacion, pero no lubida Proline no ta ABBA. Awo mester corda cu e torneonan cu Aruba ta hunga den exterior manera Pony, Little League y Babe Ruth no ta duna punto pa un ranking den baseball, debi cu no ta seleccion di baseball di Aruba ta competi manera nos tin por ehempel den futbol U15, U17, U20, U23, etc etc. Nos tin un hala di pitcher rond mundo y sin lubida catcher, dos posicion clave den baseball. Nos por forma algo di nos mes, si nos mira cuanto pelotero ta join Hulanda y Corsow awor aki. Si nos no tin hera mester a bay un seleccion mayor di baseball di ABBA algun tempo atras Puerto Rico pero e no a bay door. Dicon no? Kiko a pasa, ken ta sali splica.
Awo varios persona cu nos a papia cu nan ta bisa cu no tin hende pa organiza un campeonato na ordo pa forma seleccion y participa na campeonatonan den exterior. E directiva di ABBA parece ta consisti di un hende so, con por ta posibel?. Conseho lo ta pa mihor scohe Kevin James e proximo presidente di ABBA, at least e la demostra y pone cosnan cana ki ora e la organisa un campeonato.
Desde e salida di Eric Mohamed como presidente na comienso di anjanan 2012/13 ta un of dos biaha so mas Aruba a forma un seleccion y competi afor. Bou diferente liderasgo ABBA no a forma seleccion pa anjas. Tin ta bisa tambe cu ABBA tin un debe riba 100 mil florin y esey ta e causante pakiko te ainda no por forma nada paso no por paga e debe ey.
Awo unda e clubnan di baseball afilia na ABBA ta? Paso mester corda cu ta e clubnan di baseball ta ABBA. Nan lo mester sali y defende nan deporte. Awor ta mustra cu Proline baseball a tapa tur loke ta pasando cu baseball pero e realidad nos no por kite afor. Tanto Corsow y Hulanda ta balora nos peloteronan y e mayoria ta wordo selecciona pa hunga. Anto no papia mes di nos coachnan, mira cuanto nos tini e tanto na Aruba y Hulanda.
Pero conta cu Aruba mes, paso ta bunita cu nos ta forma peloteronan exitoso unda nan ta firma y bay afor, caba scol, bira profesional, etc. Pero cu e meta pa hunga pa Hulanda of Corsow? Den serio? Nos no ta orguyoso mas di nos bandera? E patriotismo no ta den nos curason mas?
Ban spera cu e tiki potretnan aki ilustra di nos peloteronan(paso nan ta HOPI MAS) por pone nos pensa ta cuanto tempo nos a perde den tur e anjanan di gloria di nos baseball.
