Aruba Aquatics Federation por ta orguyoso di e delegacionnan di landamento y landamento artistico

by Seever Krozendijk
392 views
Un total di 54 medaya den dos diferente disciplina di e deporte acuatico a wordo conkista den e siman aki cu nos representantenan di landamento y landamento artistico na e Carifta Aquatics Games 2024 teni na Nassau, Bahamas y Fort Lauderdale, Florida. Nos landadonan hubenil a sa na luci tanto na Bahamas como na Merca. 
ARTISTIC SWIMMING
E damitanan di landamento artistico a competi na Carifta y Invitational y aki nan a gana 23 medaya di Oro entotal cual a demostra un dominio pa loke ta e deporte acuatico aki den Caribe. Pa hopi aña caba, Aruba su landadonan artistico ta conoci pa domina e competencia aki den Caribe. Pa nos resumi. 
E categorianan di 12&under 
Carifta: 4 Oro 
Invitational: 4 Oro – 1 Brons
 
Youth
Carifta: 3 Oro – 1 Plata
Invitational: 3 Oro – 1 Plata
 
Junior
Carifta: 6 Oro
Invitational: 3 Oro – 4 Plata
 
Carifta medals: 14
Invitational medals: 16
Total medals: 30
 
SWIMMING
E delegacion di landamento no a keda atras na Bahamas. Nos landadonan a logra un cantidad di 24 medaya overall superando 2023 cu 16 medaya. E biaha aki nos a logra 6 Oro(3 di Ocean van Loon y 3 di Braynsly Dirksz), un total di 7 medaya di Plata y 11 di Brons. Na banda di e tremendo presentacion di Van Loon(6 medaya) y Dirksz(4 medaya) nos tin tambe e hoben Jaythan Winterdal cu a logra 6 medaya di cual 3 di Plata y 3 di Brons. Tambe den fememino nos tin Avi Tromp cu a logra 3 Brons y 1 Plata. 
Individual: 6 Oro – 4 Plata – 10 Brons
Relays: 3 Plata – 1 Brons
Total medals: 24
 
Ta bon pa bisa aserca cu Aruba tabata tin varios 4 y 5 lugar pues nos a cay net pafor di premio. Pa loke ta landa e final den oranan di atardi, mester bisa cu tur dia nos a landa un monton di final. Un muestra cu e deporte di landamento tey keto bay den top di Caribe. 
Na final Aruba a logra un di 7 lugar overall cu 294 punto. Pa sera e broche di oro, e landado Ocean van Loon a logra di dos lugar den e High Point Trophy cu 47 punto den e categoria Boys 13 – 14 aña.
 
Pabien na nos tur nos landadonan y landadonan artistico, na AAF, STAF DI COACHNAN, MAYORNAN y Aruba completo. No por lubida un danki curason na Coach Kim y Coach Cora como tambe na Coach Ismael y Coach Tyrine p[a nan tremendo guia na nos muchanan.
 
 
 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs