Diahuebs na piscina Olimpico Rolly Bisslik na Savaneta, e landado Olimpico di Hulanda, Thom de Boer a entrena hunto cu nos seleccion di landamento cu ta preparando nan mes pa e campeonato CCCAN cu pronto lo tuma lugar na e pais di Mexico. Hunto cu nos student/athlete di Merca y seleccionado, Chloë Farro, Thom de Boer a dirigi algun palabra di motivacion na nos hoben landadonan cu tin varios siman ta preparando fuerte pa e competencia aki.
Manera Chloë a indica no ta importante si e competencia ta uno grandi of chikito, abo tin bo plan cu tin cu wordo ehecuta, keda cu bo strategia plania y pone tur cos aheno cu por stroba bo un banda.Ta abo y bo landa, esey lo yudabo progresa cada biaha bo drenta awa pa competi. Landado Olimpico, Thom de Boer tambe a pone enfasis riba e plan cu cada landado tin cu su coach, tene bo mes na esaki y no desvia. Si tin palabracionnan haci cu coach keda na esaki y bo lo mira con e ta bay bon. Tambe segun Thom corda haci bo warning up manera debe ser y usa bo tecnica bon, abo tin e dominio di dje, percura pa e ta bon ehecuta ora di competencia.
Nos por a nota cu na e splicacion di Thom y Chloe tur e seleccionadonan tabata scucha cu hopi atencion pa locual a ser bisa. Na final e aplauso tabata na su lugar.
