1.4K
Awe a tuma lugar e ultimo evento pa loke ta e Carifta Aquatic Games 2024 na Nassau, Bahamas. Dos landado di Aruba esta Eva Kock y Bobby Gibson a competi den e 5km di Openwater Swimming. Mester bisa cu tur dos landado a presta bon unda Eva Kock a logra un di 5 lugar den su categoria di edad y Bobby Gibson ta logra un di 5 lugar overall. Apoya pa un grupo di landadonan di Aruba, Eva y Bobby a presta manera debe ser.
Cu esaki tambe Aruba ta finalisa e Carifta Aquatics 2024 den gran forma unda nos ta logra un total 24 medaya di cual 6 medaya di Oro, 3 di Ocean van Loon y 3 di Braynsly Dirksz.
Un pabien na tur nos landadonan cu a demostra cu Aruba ta keda un potencial den Caribe pa loke ta e deporte di landamento.
