Apertura di Weganan Escolar (WE) Aruba 2024 a tuma luga diasabra anochi presencia pa un publico grandisimo den stadion di Nadi Croes/Crismo Angela na Rooi Bosal. E di tres edicion di e Weganan Escolar a conta cu un interes hopi grandi unda mas cu 1000 alumno den compania di nan maestro y docentenan a haci acto di presencia. E desfile tabata uno colorido mirando cu tur scol tabata bunita uniforma den nan outfit nobo nobo cla pa compete entrante dialuna proximo.
Durante dos siman largo nos alumnonan di scol di scolnan preparatorio, basico y avansa lo cera un aña escolar den un competencia deportivo sanamente cu otro. Diferente mandatario a mustra e importancia di haci deporte y kiko realmente e weganan escolar ta para pe. E grupo di mucha muher bou guia di conocido Edseline Figaroa a canta e tono glorioso Aruba Dushi Tera.
E antorcha di e Weganan Escolar 2024 a wordo sendi pa Aruba su Atleta di Anja 2023, Zair Croes kende a wordo acompanja pa e seleccionadonan di Triathlon durante su recorido rond di e stadion. Prome Minister Wever-Croes, Minister Endy Croes, Minister Rocco Tjon hunto cu parlamentarionan Molina y Tevreden a haci e sake di bala y asina duna inicio na e Weganan Escolar 2024
Desde dialuna nos accomodacionan deportivo lo ta yena cu actividadnan deportivo cu e Weganan Escolar 2024. Instituto deportivo IBISA lo ta esnan encarga cu e parti organisatorio y logistica. Ta invita un y tur pa pasa e apoya bo scol faborito. Subi riba e pagina di IBISA Aruba pa e schedule di e weganan.
Exito na tur scol.
