Beyond Sports Limit tambe ta cla pa e Metafit walk and run 2024 unda na lo ta presente cu mas atleta na evento di coremento. Aunke no a divulga e cantidad di kilometrahe, Brainer Lampe a conta nos cu e biaha aki nan lo ta mas hende riba caminda cu normal nos ta custuma na dje. E fundacion cu ta praktika deporte cu personanan cu limitacion dia pa dia ta creciendo unda nos ta mira cada evento mas persona principalmente den e edad hoben ta bini y participa hunto cu Beyond Sports Limit su coredornan.
Pa e evento di Metafit lo bay tin mas coredor pushando garoshi special pa core riba caminda. Remarcabel ta cu BSLFA ta gosa di un tremendo admiracion y aceptacion bou di nos comunidad esaki pa e bunita trabou cu nan ta hasi pa e personanan cu limitacion na Aruba y awor tambe den exterior. Algun siman atras, BSLFA a crusa frontera unda na nos isla ruman di Boneiro nan a participa cu dos persona cu limitacion na e Guardian Loop Bonaire. For di man di srta. Jessica de Veer di e Comision Metafit, e representantenan di Beyond Sports Limit Foundation Aruba a ricibi nan bibnan.
