Beyond Sport Limit Foundation Aruba a introduci e demas coredornan y e ‘special athletes’ cu lo core den e Metafit Walk and Run 2024

by Seever Krozendijk
610 views
Diamars atardi despues cu Beyond Sport Limit Foundation a ricibi nan 3 ‘running wheelchair’ for di sr. Eddie de Veer y MetaCorp, awe diahuebs mesora a introduci e miembronan nobo cu a uni cu e fundacion. Durante un press conference na Gloria Aruba, Juni Rivero, Brainer Lampe y Gerald Moreta a elabora riba e diferente projectonan cu Beyond Sport Limit tin den pipeline pa loke ta 2024. Mirando cu e aña aki e fundacion ta celebra nan di 3 aniversario nan lo kier sera esaki cu un broche di oro. 
Atleta Brainer Lampe kier a gradici e comunidad di Aruba pa e apoyo y sosten duna na e bunita gesto cu Beyond Sport Limit a bin ta haci den e ultimo tres añanan. E apoyo di nos hendenan ta duna BSLF mas energia y forza pa yuda mas persona cu limitacion den nos comunidad. Mas cu claro BSLF ta masha agradeci na MetaCorp pa cu e donacion di nan tres running wheelchair nobo. 
Coredor Gerald Moreta a splica cu pa diadomingo awor durante e Metafit walk and run 2024, Beyond Sport Limit Foundation lo tin 5 running wheelchair riba caminda den e recorido di 21km. Esaki ta nifica cu nan a haya 3 coredor y 3 special athletes aserca y ta cla pa shine riba caminda. A introduci e coredornan y e special athletes uno pa uno. Esnan cu lo ta participa na e Metafit walk and run ta 
Coredor Nigel Maduro cu lo core cu Javen Sneek, nos lo tin coredor Aldrin Lampe cu lo core cu Ethan Geerman, nos tin coredor  Amadee Nicolaas cu lo core cu Daislyen Jose, nos lo tin coredor Brianer Lampe cu lo core cu Disjonrick Jacobs y nos tin coredor Gerald Moreta cu lo core cu Leoni Brokke. 
Por ultimo a haci entrega di e shirtnan di BSLF na e special athletes nan den presencia di Rammy Ramada di Patrishi Sports y miembronan di e comision di Metafit. 
 
Tur clase di exito na e coredornan y special athletes diadomingo awor durante di e Metafit 2024. 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs