Diahuebs 14 di maart, nos a yega na e punto di preparacion unda nos seleccion escolar den
e deportenan di Aquathlon, Basketball y Futbol ta cla pa sali pa Boneiro pa competi den e Weganan Interinsular 2024. Nos atletanan ta entusiasma y lo competi contra e seleccionnan
escolar di Bonaieo y Curaçao. E intercambio deportivo ta cuminsa diabierna 15 di Maart y ta termina diasabra 16 di Maart.
IBiSA ta contento cu e dedicacion cu e atletanan a pone pa yega na e punto aki y nos ta haci un yamada na nos comunidad pa duna nan e apoyo necesario durante nan
participacion den e competencia di Weganan Interinsular 2024 na Boneiro.
E weganan lo ta wordo transmiti atraves di nos pagina social (ibisaaruba) pa tur hende por mantene nan mes actualisa ariba e desaroyo y logro di nos atletanan.
Nos ta desea tur e atletanan y e lidernan bon biahe y exito den nan competencianan. Nos ta sigur cu nan lo representa nos Aruba orguyosamente.
