Desde cu nos a titula campeon aña pasa nos tawata sa cu nos lo mester cuminsa prepara pa locual ta e torneo di Club Shield. Claro campeonato y final a bin prome y awo nos por a concentra ful riba e torneo aki na St Kitts and Nevis.
Ultimo simannan e hungadonan a train no solamente fisicamente pero tambe mentalmente mirando cu bo ta bay topa ekiponan di otro caliber den caribe y hunga den orarionan cu nos no ta custumbra di hunga. Y mas cu claro nos meta ta pa yega te final dunando 100% di nos banda.
Nos lo hunga dia 4, dia 6 y dia 8 di augustus. Si tur cos bay mane planea nos lo hunga semi final dia 11 y final dia 13.
Nos kier a duna danki na AVB, na sr Presidente Randolf Lacle y Steve Escalona pa yuda nos den e proceso, na Minister di Deporte Endy Croes, Lotto pa Deporte y Fast Delivery mirando cu pa yega Shield Cup no ta barata y mester sigi regla nan stricto di Concacaf.
Danki tambe na nos sponsornan Apex, Amast, Kfc, Island’s Best Windows & Doors, CarQuest, Mr Muffler Exhaust Repairs, Solid Solutions Construction, The Coffee Table y Innova Architecture and Design cu ta sostene nos durante campeonato.
Danki tambe na nos fanaticada y famia di nos hungadonan cu a y ta sostene nos durante ful e proceso.