Diadomingo ultimo, e hungadornan den presencia di famia y bestuur na tereno di San Luis Deportivo na Savaneta a bautisa nan uniform pa e temporada nobo.
Durante e atardi a organisa actividad pa e muchanan y a finalise cu un wega amistoso entre mayornan y e hungadornan cu tabata un momento agradabel.
Durante e ceremonia a duna reconocimento na sra. Thelma van der Linden y sr. Juan van der Linde pa nan sosten, cooperacion y amor durante aña nan y presente.
A yama padilanti, Sharin van der Linden hunto cu e madrina Jahleesha manna y asina Giowuan van der Linde a bautisa e uniform nobo.
Di parti bestuur a gradici tur miembro, coaches, mayornan, hungadornan pa nan dedicacion y sosten.
Sin laga afo San Luis Deportivo kier a gradici tur nan sponsernan cu ta: Taste of Heaven, Wget technologies, Auto Pro body&paint , WG uitdenk en handeling cleaning, un danki na Minister di Deporte sr. Endy Croes, Setar, Aruba Bank y Garage Centraal.