Diaranson anochi despues di training a tuma lugar e bautiso di uniform di e Cascabelnan Roos di Primavera. Esaki ta e segundo aña di S.V. Master Boys. Aña pasa nan a sali cu bon pia jegando te playoffs. E aña aki Master Boys lo tin dos categoria U13 y U15 pa e campeonato AVB 2023/2024.
Gabriel Gomes tawata e persona encarga pa bautisa e uniform di U13. Pa e categoria di U15 Juni Faro tawata tin e honor un biaha mas pa bautisa e uniform di Master Boys, den compania di full e Miembro di directiva, coachnan y mayornan.
E bautiso a tuma lugar na Sport Club Primavera, cas di e Cascabelnan Roos.
Master Boys sigur kier a gradici Noky di Sport Club Primavera, cu semper tey pa support nos muchanan. Tur nos sponsernan cu a hasi esaki posibel kendenan ta Ruby’s, 365 Multi Cleaning & Services, El Chalan Aruba, The Hot Box, King Churro, Elite K9 Club y Orchid Casino.
Tambe tawata tey presente un persona sigur no desconosi den e mundo di futbol y cu tin añas ta trahando inalcansablemente pa nos futbol di Aruba y actualmente miembro di AVB Mr. Raymbert Bikker cu a hasi entrega di 10 carchi na nomber di All Protection & Security Services, pa asina nos muchanan por bai wak nos seleccion di Aruba hunga na cas.
Un danki especial tambe ta bai na nos Minister di Deporte su excelencia Sr. Endy Croes, Arubaanse Voetbal Bond, Mr. Sherwin, Fysio Actief, Praktijk Fysiotherapie Marlon Maduro y Marlon Thode, cu semper tey pa support nos muchanan.
