S.V. Bubali ta topa RCA CARA CARA Fecha 05…

by Jessica Krozendijk
808 views

Despues cu schedule tawata programa pa 2 siman break door di Seleccion nan di Aruba, Futbol a sigui back unda S.V. Bubali a topa Dep. Nacional den e Clasico di Noord diabierna ultimo 27 October unda S.V. Bubali ta saca 3 punto importante for di e wega menciona. S.V. Bubali a sali den un uniform blauw pa promer biaha den historia di 80 anja di S.V. Bubali ta sali na Blauw Marine. Manera nos tur sa regla ta bisa tur team mester tin 2 uniform y S.V. Bubali tabata Visitor pa e wega ey. Un wega basta duro y hopi strategia.

Wega ta start cu Nacional cu un leve dominio pero segun wega a trascuri e la bira basta
pareu te cu Bubali a bai ariba 1-0. Cu un tremendo un dos na linia bin cu un centro lastra duro caminda Luis “Mane” Bravo ta drenta deposita e bala den goal. Bubali a keda hunga su futbol te cu Nacional a poco poco tabata busca su atake nan via linia y termina den un centro di ambos banda. Asina tambe un poco rato despues di basta presion wega ta bira 1-1. Bubali ta cay den un confusion y un rato despues e wega ta bira 2-1 pa Nacional. Net promer cu halftime poco poco Bubali ta bin haci e wega 2-2 door di un golaso di Edmar “Macho” Tromp for di pafo di doelgebied grandi.

Segundo tempo a start Bubali mandando Polis Shaba zuid un wega basta pareu duro ambos banda cu a sigui trascuri cu tur dos chens pa goal. Na final di e partido den extra tempo Bubali ta bai ariba 3-2 door di Jean-Luc Oduber cu a keda forsa e hugada riba linia keda bin aden defensa ta hasi un fayo y Jean-Luc ta sigui forsa e hugada y no ta perdona y ultimo ta los un tiro cu ta termina den e goal di victoria.
Asina tambe partido ta termina 3-2 na fabor di S.V. Bubali cu ta lidera e clasico di Noord. Cu e victoria S.V. Bubali ta actualmente cu 9 punto na segundo lugar.

Diasabra awor 04 November pa 6:30pm na Compleho Deportivo Frans Figaroa S.V. Bubali ta topa RCA Cara Cara den fecha 05, di e campeonato di AVB 2023-2024. RCA ta bin di un derota for di S.V. Britannia 0-1 y Bubali ta bin di un victoria. Diasabra awor tur cos ta mustra cu e ta bay den un solo direccion asina ta nos ta haci un yamada grandi na nos HUNGADOR nr. 11 pa yega Stadion Frans Figaroa diasabra awor trempan. S.V. Bubali ta bay ta Home, nos porta di entrada ta bandi noord. Porta ta habri 5:30pm.

Bubali Fans Yega pa nos apoya nos muchanan Bubali Yega…, nos ta pone AMBIENTE !!!

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs