Den e periode di 25 October te/cu 22 November a tuma lugar nos torneo mix Classic/Rapid/Blitz entre e 4 mihor hungador di Aruba. E 4 mihor hungador a wordo selecta a base di e resultado final di nos Campeonato Nacional di 2023.
E 4 hungadornan aki ta Henry knepa, Juan E Nisbet, Mario Jansen y Octavio Croes
Den e formato clasic Henry Knepa a termina na promer lugar cu 2 gana y 1 tabla. Segundo lugar a bai a Mario Jansen cu 2 gana y 1 perdi. Den e formato Rapid, Henry Knepa a termina invicto (3 gana for di 3 partido), Mario Jansen segundo lugar cu 2 gana y 1 perdi. Den e formato Blitz, Octavio Croes a termina na promer lugar cu 2 gana y 1 tabla, segundo lugar a bai pa Henry Knepa cu 2 gana y 1 perdi. Ganador di e torneo mix aki ta e hungador cu a score mas den e 3 formatonan aki acumula. Promer lugar a bai e ora pa Henry Knepa cu 15 punto, segundo lugar pa Mario Jansen cu 11 punto.
Octavio a score 8 punto y Juan Nisbet 2 punto. Parallel na e torneo aki, a tuma lugar un torneo entre e otro hungadornan cu no a participa den e torneo mix aki. E anja aki, tawata solamente 4 hungador cu participa den e side-tournament aki. Na promer lugar a termina Hector Winterdal invicto (no a perde ni tabla ningún wega). Segundo lugar a bai pa Rolin Croes (1gana, 1 perdi y 1 tabla).
E torneonan aki a wordo patrocina door SSA y Lotto pa Deporte.
