E aña aki e Panamerican Draughts Confederation lo tene nan torneo di dam pa Las Americas den e periode di 5 pa 13 di April, cu lo tuma lugar na San Jose, Costa Rica.
Hungadornan di Latino America, Caribe, y America Central por manda nan representantenan pa e torneo aki. Cada pais por manda 3 representante.
Pa Aruba, nos lo manda e promer 3 nan cu a termina mas halto den e torneo di dam nacional di aña pasa.
Nan ta: Henry Knepa, Juan E. Nisbet y Octavio Croes.
Hunto cu e 3 hungadornan, e vicepresidente y tesorero di PAMDCC (Panamerican Draughts and Checkers Confederation) lo biaha mayan 4 April pa 13:18 pa San Jose, Costa Rica.
Nan lo regresa diasabra dia 13 di April.
E promer wega lo start dia 5 di April.
Nos ta desea nos hungadornan hopi exito aya na Costa Rica.
E evenemento aki ta wordo patrocina door di SSA y Lotto pa Deporte.
