Club di dam Arowak ta organisa torneo di dam “Dia di Rey 2024″

by Jessica Krozendijk
277 views

E aña aki, Club di dam Arowak ta organisa su torneo di Dia di Rey riba e siguiente fechanan.
Diaranson 17 April e prome rond lo wordo hunga pa 7:00 di anochi. Diaranson 24 April, e segundo rond lo wordo hunga pa 7:00pm. Diabierna 26 April pa 7:00pm, e tercer rond lo wordo hunga. Finalmente diadomingo 28 April e ultimo 2 rondnan lo wordo hunga pa 10:00 di mainta y 2:00 di atardi.

Tur e weganan lo wordo hunga den nos club na Sunplaza 401-L na di 4 piso.
Duracion di un partido lo ta 60 minuut pa banda cu un increment di 30 seconde despues di cada zet, desde di e prome hugada.
Anotacion di e weganan ta obligatorio. Pa hungadornan nobo sin experiencia pa anota wega, esaki ta optional.
Inscripcion ta gratis pa miembronan di club.
Pa hungadornan nobo cu kier hunga solamente e torneo aki, inscripcion lo ta 10 florin.
Si kier bira miembro di club, por participa na tur evenemento di club cu un contribucion di Afl 110 pa aña cu mester wordo paga prome cu fin di luna. Por paga 10 florin pa luna cual ta sali 120 florin pa aña. Si indica cu kier bira miembro y paga prome cu fin di luna, ta cobra solamente un contribucion di Afl 110 pa aña 2024.

Nos lo hunga un total di 5 rond riba e 2 diaranson, 1 diabierna y 1 diadomingo menciona aki
riba. Sistema di wega lo ta sistema suiso, unda ganadornan ta topa otro.
Den caso di empate na final, punto di resistencia/ weerstandspunten y despues punto di SB, lo determina e ranking final di e hungadornan.
E prome 3 lugarnan ta haya un trofeo.
Entregamento di premio lo ta despues di e ultimo wega diadomingo esta 28 di April. Esaki lo ta rond di 5:00 di atardi.
Pa registra pa e torneo aki, por contacto cu Mario Jansen na cel/whatsapp 699-8245 of Octavio Croes cel/whatsapp 594-5590 of Ricardo Wever 592-6391.
Esaki por wordo haci te cu diaranson 17 April pa 6:00 di atardi.
Tur hungador di dam ta bon bini.
Si bo no por anota wega, tambe bo ta bon bini. Hungadornan cu pa prome biaha ta participa
na nos torneo y no por anota, ta liber pa anota.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs