Resultado final di campeonato di dam Christmas Rapid y Blitz 2023

by Jessica Krozendijk
386 views

Durante e ultimo 3 siman a tuma lugar e torneo di dam Christmas Rapid (29 November y 6 December) y torneo Christmas Blitz (13 December) Christmas Rapid ta un torneo unda cada hungado ta haya 15 minuut pa termina su wega y despues di cada zet e ta haya un bonus di 5 seconde. Un total di 10 hungado a participa na e formato aki. Na promer lugar a termina Mario Jansen cu un total di 16 punto. (ningun wega perdi y 2 tabla). Segundo lugar a bai pa Henry Knepa cu 15 punto (1 perdi y 1 tabla) y tercer lugar Hector Winterdal. (2 perdi).

Christmas Blitz ta un formato mas liher. Akinan cada hungado ta haya 5 minuut pa termina nan wega y despues di cada zet ta haja un bonus di 3 seconde. Akinan un total di 8 hungado a participa. Na promer lugar a termina Frans Citroen. Frans no a perde ningun wega y a tabla solamente 1 wega. Na segundo lugar nos ta haya Hector Winterdal. Hector a tabla 2 wega y a perde 1 wega. Na tercer lugar a keda Henry Knepa cu 2 wega perdi y 1 tabla.

E ganadornan a ricibi un macuto di pasco pa nan prestación. 2 macuto extra a wordo rifa entre tur miembro di club cu no a gana un basket. Ganadornan di e rifa a bira Daniel Diaz y Eddy Oduber.
E torneonan aki a wordo patrocina door SSA y Lotto pa Deporte.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs