RCA vs Dakota, un ripiticion pa loke ta e final temporada pasa cu ambos ekipo e mihornan di e campeonato aki. Algun caranan nobo si nos mira e elenco e aña aki cu e start e wega. Stadion di Frans Figaroa tabata colma di fanatico pa ambos banda.
Prome tempo
Ambos ekipo a cuminsa cuateloso cu RCA den e prome 5 minuutnan un tiki mas confidente cu Dakota. Un tiro di delantero Linscher den dos intento a ser wanta pa portero Bautista.
Mester bisa cu nos no a mira mucho tiro riba gol y atakenan bon crea pa anota gol. Hopi balanan largo sin mucho presicion y cu mayoria biaha tabata perdi. Delantero nan di ambos ekipo no a haya mucho espacio pa haci hugada y tabata wordo bon marca pa e linea di defensa. Dado momento, Dakota cu a crea un oportunidad cu un bon tiro di defensor Donata pero portero Adbul a wanta esaki bon. Mucho mas no a pasa den e prome tempo cu dos ekipo basta pareu pero den un futbol caminda nos a spera mucho mas.
Dos tempo
Nos por a mira mesun patronchi di wega cu Dakota un tiki mas mihor den e parti medio campo. Dado momento Dakota tabata yega facil den e area penal di RCA pero no a crea mucho chens. Di otro banda, RCA hungando e bala largo buscando e delanteronan Silva y Linscheer.
Na di 63 minuut, delantero John Silva ta anota e 1 – 0 pa RCA ora cu e ta domina un bala den e area penal y cu un tiro medio chilina e ta sorprende portero Bautista unda e bala ta pasa riba su cabez. Na di 78 minuut, Dakota a haya un bon chens pero e cruse tabata demasiado duro y aki e bala ta pasa tur hende bay. Un rato despues un tiro liber di Hogde por poco ta sorprende portero Abdul.
Mester bisa si cu Dakota a pone un presion formal buscando e gol di empate y RCA defendiendo cu alma y cuerpo. Lo imposibel ta pasa na di 90 minuut ora cu e medio campista Briceño di Dakota ta empata e partido 1 – 1.
Extra tempo
Den e extra tempo e desgaste tabata notabel serca tur dos ekipo. E cansansio e hubga un rol grandi mientras e ritmo di wega a baha. Tur dos ekipo mas cu claro a forza pa hinka e gol mirando cu no tin mañan. Albert Francis y Ricky Hodge a medio haya chensnan chikito. Den e di dos mitad di e extra tempo, RCA ta bay dilanti 2 – 1 ora cu un cruse di Marc Jacobs ta wordo bon cabesa pa Albert Francis unda portero Bautista no por a haci nada cune.
Na e pitaso final, referee Matos ta caba e wega den un momento kizas no adecua y aki un bululu formal a start entre e hungadornan ambos ekipo. Jammer pa un final entre dos ekipo asina grandi caba di e forma aki.
Foto cortesia DAC Image, Davyne Croes
