98
Diasabra uiltimo den sala di Paradise Strength Aruba, situa den Raw Fitness Gym riba LG Smith Blvd, a tuma luga e prome competencia di aña pa cu #ISLANDSTRONG, esta e Deadlift Challenge. E evento aki tabata uno pa midi e forsa maximo di tur participante, y alabes nan a pone un di dos parti unda a test nan condicion y mente unda nan mester a haci maximo repeticion cu e paso corporal riba e bara (homber x1.5) den 2 minuut.
E evento aki a conta cu participacion di 29 atleta total, unda a participa 12 muhe y 17 homber, representando diferente club rond di nos isla. Esaki ta mustra cu tin bon interes pa loke ta trata deportenan di forsa. Importante pa remarca ta cu a conta cu participacion di varios atleta pa di prome biaha, asina indicando un interes den e deporte di powerlifing, den cual deadlift ta un di e disciplinanan di competencia.
E resultado final di evento aki a combina e score di ambos parti, pues e “1 rep max” y e “deadlifts for reps”, unda a saca un promedio di e scorenan pa asina saca e ganadornan top 3 di cada categoria.
Pa cu e damas, den e top 3 a keda
1. Jenifer Piter – Raw Fitness Gym
2. Christy Rodriguez – Ban pa Bay
3. Aline Rios – Paradise Strength Aruba
Pa cu e caballeronan, den top 3 a keda
1. Ross Ismail – Crash of Thunder
2. Lucas dos Anjos – Paradise Strength Aruba
3. Marcel Willems – Bayena Strong
Nos ta gradici tur esnan cu a participa, tur boluntario cu a yuda haci e evento aki posibel, y claramente tur nos sponsornan cu a percura pa por tin premio pa e ganadornan, ademas di tin un live stream unda hende cu ta biba afo of no por a ta presente por a disfruta di e evento. Ta gradici, Ban pa Bay, Alfies y DH nutrition pa e premionan. Pa e livestream, por bishita e pagina di boinformado tv riba FB pa mira e evento. #ISLANDSTRONG
