443
Jimena Borja ta un futbolista femenino cu nos a comoce algun anja atras den e fila di Britannia Damas unda e tabata hunga. Despues na 2021 nos tabata tin e placer di por a traha di serca cu Jimena tempo e la forma parti di e seleccion Girls U14 di Aruba cu a logra gana e Campeonato CFU na Republica Dominicana. For di anja pasa, Jimena Borja ta formando parti di e organisacion profesional di Colombia, Junior Barranquilla unda Jimena ta fungi como coach asistente di e ekipo profesional femenino di Junior Barranquilla. Ta bon pa menciona aserca cu Jimena tabata forma parti di e staf tecnico di Nacional Hoofdklas como un di e prome damanan hunto cu Milvienne Henriquez(RCA) y esaki ta e di dos biaha cu Jimena ta haya e oportunidad cu Junior Barranquilla ya cu temporada pasa ya caba e la forma parti di e staf tecnico. Durante tur e anjanan aki Jimena a perfecciona su mes den e materia di futbol cu hopi disciplina siguiendo varios estudio di nivel halto den futbol y asina gana un oportunidad unico den bida pa traha pa un club profesional. Aki nos por mira cu tur logro por ta posibel den bida. E ta keda na abo pa demostra con duro bo ta dispuesto pa traha pa logra loke abo a pone como meta.
Corda semper esaki: “Sin compromiso fiho, bo nunca lo cuminsa, pero e mas importante, sin consistencia, bo nunca lo caba”- Denzel Washington.Pabien Jimena.
Nos ta super orguyoso dibo