1.3K
Rumornan ta fuerte cu e futbolista profesional y ex-internacional di Ajax y seleccion di Hulanda, Hedwiges Maduro lo por bira e proximo entrenador asistente di e gigantenan Hulandes, Ajax. Mirando cu probablemente Maurice Steijn lo cambia di Sparta pa Ajax como entrenador, e lo kier pa Hedwiges bira su man drechi. Mester bisa cu Hedwiges Maduro (38) tin un aña mas di contract na Almere City unda e la traha como entrenador asistente y e club a caba di promove pa e division mas halto di futbol na Hulanda cu ta Eredivisie.
Hedwiges Maduro a naci na Hulanda unda su mama ta di Corsow y su tata di Aruba. Hedwiges a hunga profesional pa entre otro Ajax, Valencia, Sevilla, POAK Saloniki, FC Groningen y Apoel Nicosia. E la hunga tambe pa seleccion di Hulanda tanto den hubenil y grandi unda na 2007 e la gana cu Jong Oranje e EK. Cu e seleccion major Hedwiges a hunga e mundial di futbol na Alemania. Hedwiges a fungi tambe como entrenador asistente di e seleccion hubenil di Hulanda pa algun aña. Su tajectoria como futbolista profesional ta grandi.
