304
Un wega cu hopi tension y emocion ta loke a damitanan di Impact Shooting Stars y Aruba Jrs Warriors a brinda e publico presente den un club Estrella repleto di fanatico. E ekipo di coach Sandra, esta Aruba Jrs Warriors a cuminsa den tremendo forma y a domina e prome quarter liderando cu un score amplio.
Pero poco poco, Impact Shooting Stars a tuma d iniciativa over cu un basketball mas agresivo y sigur unda nan ta corta e ventaha y hasta bay ariba den e marcador. Den e ultimo quarter, e wega tabata uno hopi sera pero faltando un 3 minuut prome cu e final Impact Shooting Stars bou guia di coach Jen ta score varios punto tras di otro pa tuma un ventaha grandi. Un ventaha cu nan a gara cu dos man mirando cu nan ta triunfa cu e score final di 52 – 41. E topscore pa Impact tabata Latisha Wheeler 23 punto, Jael Koolman 10 punto y Xhandreah Schmidt 10 punto. Di otro banda pa Aruba Jrs Warriors e topscore tabata Girieny Thiel, Ruby Pierce 10 punto y Destiny Cruz cu 9 punto.
E MVP di e torneo a bira Xhandreah Schmidt di Impact Shooting Stars.
Pa loke ta e wega den U14, aki e ekipo di Stealers ta titula campeon ganado Dream cu e score final di 69 – 40.
Topscore pa Stealers tabata Jeandre Kross 21 punto, Joshuee Illidge cu 18 punto y Hubert Heemstadt cu 13 punto. Pa Dream e topscore tabata ta Dempsley Brice 17 punto y Cesar Arismendy.
Na final Aruba Basketball bond a reparti e premionan na e hungadornan. Tambe The Sweet Sport di sra. Willeke Kok a traha dos tremendo bolo pa reparti pa henter e fanaticada di basketball, un sweet gesto sin duda.
