Club di dam Arowak ta bai cuminza cu su actividadnan di dam pa anja 2025.
Tur dialuna desde 5:00 pm pa 6:00 pm, nos ta duna les na nos hubentud den SunPlaza 401-L.
Pa esunnan cu no por riba dialuna, nos ta duna les tambe riba tur diabierna desde 6:00 pm pa 7:00 pm.
Diaranson 5 di Februari, nos ta cuminza cu nos actividad pa nos adultonan di nos club.
Nos ta habri e temporada cu un simultaan duna door di Henry Knepa cu a gana e campeonato di Aruba anja pasa.
Tur hungador di dam ta bon bini. Henry Knepa lo pasa rond hungando pareu cu tur presente.
Nos ta cuminza pa 7:00 di anochi den nos club na Sun Plaza 401-L (di 4 piso).
Diaranson dia 12 di Februari, nos ta cuminsa cu nos prome torneo di anja. Esaki ta e campeonato di Aruba pa 2025.
Pa inscirbi na e torneo aki, por tuma contacto cu Mario Jansen cel. 699-8245 of Ricardo Wever cel. 592-6391.
Nos ta hunga un solo wega riba un anochi cu 1 ora pa banda. Esaki lo wordo hunga riba e diaranson nan desde 12 di Februari pa dilanti.
Dependiendo con hopi registracion nos haya, nos ta purba di laga tur hungado topa otro 1 biaha. Dus nos lo hunga round robin (single round). Torneo por dura algun luna.