E hoben futbolistanan Elias Panneflek y Bradley Maduro a sali rumbo Madrid, Spaña unda nan lo forma parti di un torneo Gran Gira 2025 organisa pa World Soccer Foundation All Star. E hobennan Panneflek di ASV Riverplate y Maduro di Sv Britannia ambos afilia na Aruba Soccer Academy recien a hunga den e torneo Miami Cup na Florida y aki a keda escohi pa forma parti di e ekipo di Miami pa hunga e torneo internacional na Madrid.
Sin duda un bunita oportunidad pa e hobennan aki luci riba un plataforma di nivel halto mey mey di otro hobennan rond mundo. Torneonan di academia semper ta atrea hopi wowo cu lo bin mira e hoben futbolistanan den accion unda algun lo haya un chens den bida pa forma parti di un club grandi, e mayoria di Europa.
Di aki banda nos kier a desea Elias Panneflek y Bradley Maduro tur clase di exito na Spaña.
