388
En total a jega 8 atleta for di Ecuador pa train hunto cu nos atletanan local. E atletanan Olimpico y rumannan, Neisi y Angie Dajomes ya pa varios aña ta escoge Aruba pa bin prepara na Aruba. Pronto nan lo bai participa na e Campionato Panamericano Senior cu ta tuma lugar den luna di maart na Argentina. Esaki sigur ta un bon momento pa nos atletanan di pesas entrena y siña di principalmente e 4 bes campeon Panamericano, Mundial y medayista di Oro Olimpico, Neisi Dajomes.
Aruba Amateur Weightlifting Association kier a manda palabra di éxito na tur e atletanan local y di Ecuador.