Siguiendo di serca nos atletanan di Aruba den exterior nos a bin encontra un otro Arubiano cu ta cosechando exito como keeper den futbol na Hulanda. Ta trata di Therilaine Ruiz cu ta hungando pa e ekipo di Zestienhoven U15 den 2de klasse na Rotterdam. Therilaine y su ekipo actualmente ta ocupando un prome lugar mientras ta purba na promove pa 1ste klasse. Temporada pasa Therilaine tabata exitoso cu su ekipo Zestienhoven unda nan ta gana e Ladies Day Cup.
Sin duda lo mester sigui e pasonan di Therilaine Ruiz di serca ya cu e lo por bira un bon keeper pa cualkier seleccion di Aruba. E futbolista Therilaine Ruiz su mama ta Gilliany Croes mientras su tata ta e conocido ex-futbolista Theric Ruiz cu tabata seleccionado di Aruba y a milita den varios ekipo local manera Bubali, Nacional y Britannia.
Hopi exito na Therilaine
