1.3K
Un exitoso torneo di pesca Aruba a conoce e fin di siman tras di lomba cu e 50th Bill Fishing Tournament celebrando e di cincuenta aniversario di e torneo di pesca organisa pa Bucuti Yacht Club na Barcadera. Hopi hende a acudi na e dos dianan di pesca pa asina celebra e gran dia aki. Diabierna a inicia cu inscripcion unda varios boto a inscirbi pa e competencia y e premionan cu por wordo gana. Diasabra y diadomingo tabata simplemente grandi cu e piscamento mes y sigur tambe e actividadnan na Bucucti mes cu a hala masha hopi hende mes.
Diadomingo atardi a clausura e torneo cu e entrega di premio den presencia di e fiel fanaticada di pesca. Despues di e baila riba ritmo di Jerino Bas y su banda a anuncia e ganadornan di e torneo. Pero prome a haci entrega di un reconocimento na e famianan na kende e 50th Bill Fishing Tournament ta dedica esta sr. Felix Geerman cu actualmente ta sufriendo un kebrante di salud. Felix ta un baluarte di Bucuti Yacht Club y tabata masha hopi envolvi den e torneo di pesca. Su yiu Sidney a gradici Bucuti Yacht Club pa dedica e torneo na su tata Felix y a pidi tur presente tene su tata den oracion.
Coordinador di evento, sr. Aldrin Wever a anuncia e ganadornan mientras miembro di parlamento, sra. Darlaine Guedez Erasmus, srta. Shyara Ramakers y sra. Geerman a haci entrega di e premionan na e ganadornan.
E resultado final:
1. Energy: Ganador 700 punto: 1 blue – 3 sail
Best captain: Jerred Croes
Best angler: Gedion de Cuba
2. J-String: 600 punto: 1 white – 2 blue
Anthony Pinzon : First Release
3. Iron Will 600 punto: 1 blue – 2 sail
Sergio Rasmijn: Last Release
Mayor Kilahe Drals: Anthony Fingal
Mayor Kilahe Mulato: Gregory Carolina
Un danki na e partnernan cu a kere den e evento esta Romar Trading, A&H Technical Services, Bon Bini Cargo, Driftwood, Seaview Investment, Playa Liquor, Vega Dental Clinic, Aruba Nautical Club, East West Marine, Lacco, Chill, Varadero Club, Hadicurari, Quick Electrical, Elmar, Napa, Palmera Quality, Boat & Fishing Paradise, H Services y Budget Marine.
