Beyond Sports Limit Foundation y AruBeast lo haci 15 mucha cu limitacion contento door di subi Hooiberg, diadomingo awor

by Seever Krozendijk
911 views

Diadomingo awor di 3or pa 5or di atardi, e seroe di Hooiberg lo ta e testigo y cas di un evento masha special di e dos organisacion esta Beyond Sports Limit Foundation Aruba y AruBeast kendenan a bini cu e magnifico idea pa subi Hooiberg cu 15 mucha cu limitacion. Nos tur por corda anja pasa ora cu a subi e sero di Hooiberg cu Disjonrick Jacobs, un hecho cu a gana curason di henter nos comunidad. Pa prome biaha e atleta cu limitacion Disjonrick Jacobs a subi Hooiberg.

E biaha aki, un grupo di alrededor 40 boluntario a registra pa asina yuda carga e 15 muchanan cu limitacion uno pa uno y hiba te na top di e sero di Hooiberg pa asina kizas pa hopi di nan pa prome biaha mira e bunita isla di Aruba for di un punta di bista nunca bisto. Mas cu claro e safety aki ta algo cu ta bini na prome lugar y nos tin cu bisa cu varios instancia manera KPA, Brandweer, Ambulance, Keda keto, Recovery Zone, Arumil, Kustwacht Steunpunt Aruba y otronan lo tey presente pa asina brinda e ayudo nesecario. 

Ultimamente Beyond Sports Limit a bira un berdadero inspiracion pa nos comunidad unda ta brinda personanan cu limitacion atrabes di deporte sinti un bida nobo cu nan tambe ta pertenece na nos comunidad door di integra nan mes entre nos. E Teamwork cu nos lo por mira diadomingo awor no solamente ta un demonstracion di e forsa y resistensia pero mas bien e poder di traha den grupo hunto y logra e meta y deseo di un y tur. Ora individuonan manera Beyond Sport Limit cu Disjonrick, Brainer, Gerald y AruBeast cu na cabez, Shaedimir Jansen y su team y tur e otro partnernan uni forsa y enfoca pa un meta comun, causa nan increibel por wordo logra.

Keda pendiente pa un entrevista cu nos di 297sports a realisa cu Brainer y Gerald di Beyond Sport Limit Foundation Aruba riba e evento di diadomingo awor cu ta priminti di bira grandi.

Un danki special ta bai pa e comunidad di Aruba y e boluntario nan sea den un manera of otro ta sostene e causa aki. Un danki tambe ta bai na tur e partners nan cu a hasi e evento aki posibel:

1. Caribbean Mercantile Bank N.V.
2. Setar
3. Hertz
4. Bright Bakery
5. Tropical Bottling Company
6. Keda Keto
7. Recovery zone
8. ID Group

297sports, e pagina social dedica na deporte, unda storia exitoso y motivante ta wordo skirbi y promovi brindando e atleta, coach y dirigente e oportunidad pa sirbi su comunidad den un forma ehemplar powered by Subway Aruba Lotto Cambiando Bida Bright Bakery SETAR NV Tropical Bottling Company y Driftwood Restaurant

 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs