586
Diabierna 19 di april, Gobierno di Aruba un bes mas lo honra nos mihor atletanan di Aruba cu e destaca den e anja deportivo 2023 cu e galardon Premio Excelencia den Deporte. Desde e inicio di e evento na 2003, Ministerio di Deporte hunto cu su partner nan ta reconoce Aruba su Atletanan di Aña den e asina yama Premio Excelencia den Deporte. Un evento di gala cu un toke diferente cu nos ta custuma cune y cu e aña aki lo celebra su di 20 aña di existencia. Durante di un anochi di gala celebra na Renaissance Convention Center lo haci entrega di e maximo reconocimento na e diferente atletanan cu a destaca den e aña deportivo anterior, esta den 2023.
E evento di Premio Excelencia den Deporte ta e unico evento deportivo unda nos miho atleta, ekipo, dirigente y oficialnan nomina ta bini hunto pa asina wordo reconoci pa e tremendo trabou desplega, den e caso specifico aki, den aña 2023. Tambe Gobierno di Aruba a honra algun persona cu pa anjanan largo a significa hopi pa nos deporte.
E Premio Excelencia den Deporte 2023 ta priminti di bira uno yena di sorpresa, unda e comision encarga cu e trabou di supervision tabata tin e tarea dificil pa scoge e diferente nominadonan como tambe e mihor atletanan di Aruba. Aña pasa, e bolichero Kamilah Dammers y e landado Mikel Schreuders a bira e ganador maximo di e galardon Premio Excelencia den Deporte 2022.
Ken lo keda corona como Aruba su Atleta femenino y masculino di Aña 2023 y sin lubida riba e otro nominado nan?
Siguientemente nos ta presenta tur e ganadornan di pasado den Premio Excelencia den Deporte
DEPORTISTA DI ANJA
– 2003 VINCENT MORETA – TENNIS
– 2004 AARON FRANKEN– BIYAR
– 2005 MICKY VAN DER VAART – LANDAMENTO
– 2006 MICKY VAN DER VAART – LANDAMENTO
– 2007 SARAH-QUITA OFFRINGA – WINDSURFING
– 2008 SARAH-QUITA OFFRINGA – WINDSURFING
– 2009 SARAH-QUITA OFFRINGA – WINDSURFING
– 2010 STUART SMIT –TAEKWONDO
– 2011 ALLYSON PONSON – LANDAMENTO
– 2012 MARK BRUIN –CABAYISTA OCA
– 2013 KAMILAH DAMMERS – BOWLING
– 2014 KAMILAH DAMMERS – BOWLING(INTERNACIONAL)//RENZE POSTMA(LOCAL)
– 2015 THASHAINA SERAUS – BOWLING(INTERNACIONAL)//RENZE POSTMA(LOCAL
– 2016 AKSEL SAMARDZIC – BEACH TENNIS (INTERNACIONAL) & RENZE POSTMA(LOCAL)
– 2017 THASHAINA SERAUS – BOWLING(INTERNACIONAL) & LINDA SMITH(LOCAL)
– 2018 THASHAINA SERAUS – BOWLING & MIKEL SCHREUDERS – LANDAMENTO
– 2019 KYRA HOEVERTSZ – ARTISTIC SWIMMING & MACK VAN DEN EERENMBEEMT – SAILING
– 2021 SHANAYAH HOWELL – BMX & MIKEL SCHREUDERS – LANDAMENTO
– 2022 KAMILAH DAMMERS – BOWLING & MIKEL SCHREUDERS – LANDAMENTO
