Nos atletanan ta sobresali unda cu nos bay. Den e ultimo aña nan nos ta ripara cu varios hoben di Aruba ta acapara e atencion pa loke ta e deporte di combate unda nan ta bringa na nivel internacional y cu exito. Awe nos a haya un bunita informacion di e hoben Arubano Xzeugentle Richardson cu recientemente tabata exitoso na Alemania den un evento internacional di taya.
E hoben Richardson tin 5 aña bibando na Hulanda. E tin 15 aña di edad e tin como 3 aña ta practica e deporte di kickboxing na Hulanda. Na Aruba, Xzeugentle tabata hunga baseball den team di Hurricanes na San Nicolas. Tambe Xzeugentle a cuminsa entrena na Milliard Academy ora e tabata tin 8 pa 9 aña di edad mientras su record ta 3 – 3, su ultimo pelea tabata na e evento di Grand boxing na Alemania unda e la gana su combate. Xzeugentle su mayornan ta Nathalie Lopez y tata Michael Richardson.
