Den pleno preparacion pa Caribbean Taekwondo Open Aruba 2024 cu lo tuma lugar den luna di juni proximo

by Jessica Krozendijk
176 views

Recientemente, Minister di Enseñansa y Deporte Endy Croes a reuni cu presidente di Stichting Tiger Taekwondo Academy Sr. Teofilo Rodriguez y Sra. Monica Pimentel, en conexion cu un campeonato internacional di taekwondo cu lo tuma lugar na Aruba.

 

Caribbean Taekwondo Open Aruba 2024 lo tuma lugar dia 10 pa 15 di juni proximo y lo conta cu presencia di atleta di diferente pais entre otro, Colombia, Curaçao, Brazil, Puerto Rico, Ecuador, Spaña, Republica Dominicana y Aruba. Ademas di trece varios atleta internacional, lo trece referee di diferente pais. Alabes lo probecha e oportunidad aki pa brinda nos refereenan local un tayer pa nan sigui desaroya nan mes.

Minister Endy Croes ta gradici Stichting Sportsubsidie Aruba (SSA) y Fundacion Lotto pa Deporte (FLpD) cu a duna sosten pa realisa e campeonato aki. Alabes, Minister Endy Croes ta desea Sr. Teo hopi exito cu e gran campeonato internacional aki cu lo tuma luga den e luna di juni proximo.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs