Hoben Ingomar Jacobs cosechando exito na Hulanda den e deporte di kickboxing

by Seever Krozendijk
646 views

E hoben Ingomar Jacobs di 12 aña y ta di Aruba unda e la praktica e deporte di taekwondo. Ingomar ta un ex-alumno di Impact Teakwondo na Aruba bou guia di e atleta Olimpico, Monica Pimentel. tres aña pasa, Ingomar y su famia a imigra pa Hulanda unda e la bay biba. Aki Ingomar a cambia di e deporte di taekwondo pa praktika un otro deporte arte marcial cual ta kickboxing.


Awo Ingomar ta forma parti di e TEAM IMPERIUM bou guia di Errol Junior Engelhart cu tambe ta naci na Hulanda, pero su famianan tur ta di Aruba. Despues di basta luna di entrenamento fuerte y preparacion intensivo, diasabra ultimo a biaha pa Alemania cu 3 alteta pa asina competi na e NEW GENERATION WTKA CHAMPIONS. Mester bisa cu Team Imperium a haci un tremendo papel cu Ingomar den hoofdrol unda nan a logra bini cu dos titulo di campeon y un di tres lugar.  


E hoben Ingomar Jacobs a logra titula su mes como campeon di e WTKA.
Y tambe Nikola Engelhart di 6 aña yui di e trainer Arubiano a logra titula campeon na Alemania. Mirando e exito di team Imperium awor nan lo sigui traha duro pa e proximo competencia grandi cu lo bay tuma lugar dentro di poco. 

Asina nos por mira con nos Arubianonan ta bay biba den exterior pero hamas a lubida di unda nan ta bini y ta keda respresenta e isla chikito aki cu e bandera blou, strepinan geel y streya cora cu ta unico na mundo. Sin duda un pabien grandisimo na e hoben Ingomar Jacobs y su famia como tambe na Team Imperium cu na cabes, Errol Engelhart cu a dicidi di dedica na e deporte di kickboxing yudando e hobennan na Hulanda y Aruba y cu exito. 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs