Dakota lo hunga e gran final di futbol como e absoluto faborito pa e titulo campeonil

by Seever Krozendijk
512 views
Cu 1 solo wega perdi durante henter e temporada 2023 – 2024, e amariyonan di Dakota lo ta hungando e gran final di futbol Division di Honor contra di Britannia. Dakota a haci un slip so e temporada aki y ta den e final di Copa Betico 2024, nan ta bin perde nan unico wega cu e score minimo di 1 – 0 contra di  Nacional. Pa loke ta e campeonato, playoff di 6 y 4, e ekipo maneha pa Jonathan Lake a demostra di ta superior riba e demas ekiponan, Britannia tabata sin duda nan tras como e di dos ekipo cu a mustra dominante. 
For di comienso di campeonato, Dakota a lidera e tablero den forma invicto, nan a gana casi tur nan weganan mientras a empata dos wega. Di otro banda Britannia tambe a mantene e posicion di invicto sin perde wega y a empata 3. Den playoff di 6, ambos ekipo tabata dominante den puntuacion cu Dakota como e prome y  Britannia net su tras como e di dos lugar. Den e playoff di 4, Dakota a clasifica como e prome pa bay final mientras Britannia y Nacional pa drenta e final cu a lo largo Britannia cu e rosea mas largo. Ta bon pa bisa cu Britannia a perde solamente dos partido oficial durante campeonato, sin conta e Copa Betico cu nan a cay venci contra Nacional. 
Pa loke ta e futbol hunga, segun comentarionan eyfor ta positivo pa tur dos ekipo. Dakota y Britannia henter temporada e presenta y demostra e mihor toke di futbol y pesey awe nan dos merecidamente ta den e gran final. Dakota lo ta e gran faborito pa gana e final, pero e bala ta rondo mientras cu Britannia lo bini por la goma pa gana e titulo tan anhela. Si nos no tin hera ta 10 aña pasa cu Britannia ta logra bira campeon di Aruba su futbol maximo esaki 2013 – 2014 cu e propio entrenador di Dakota y su assistente, Jonathan Lake y su ruman Gregory Lake como entrenador y hungador e tempo ey. Dakota lo hunga nan di 4 final den 5 aña unda nan tabata exitoso na 2017 y 2022 mientras na 2016 y 2023 nan a keda cortico. 
Diaranson awor un tabla lo bula den stadion di Frans Figaroa na Noord ora e dos ekiponan aki topa otro den un solo encuentro pa asina mira cua lo por yama nan mes e campeon di Aruba su futbol 2023 – 2024. Ken lo bira Aruba su campeon di futbol?
 
No laga ningun hende contabo, yega stadion. E wega ta programa pa cuminsa 8or di anochi. 
 
 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs